ગુરુવારે, રશિયન આર્ટિલરી દ્વારા કરવામાં આવેલા મોટા હુમલામાં ખાર્કિવની બહારની એક શાળા અને સાંસ્કૃતિક કેન્દ્રને નિશાન બનાવવામાં આવ્યું હતું. તેમણે કહ્યું કે ઘાયલોમાં 10 લોકોની હાલત ગંભીર છે.
કિવઃ રશિયા અને યુક્રેન વચ્ચેનો સંઘર્ષ ત્રીજા સપ્તાહમાં પ્રવેશી ગયો છે. ગુરુવારે પૂર્વી યુક્રેનના એક શહેરમાં રશિયન દળોએ ગોળીબાર કર્યો હતો, જેમાં ઓછામાં ઓછા 21 લોકો માર્યા ગયા હતા અને 25 ઘાયલ થયા હતા. પ્રાદેશિક અધિકારીઓએ ફેસબુક પોસ્ટમાં જણાવ્યું હતું કે ગુરુવારે રશિયન આર્ટિલરી દ્વારા કરવામાં આવેલા મોટા હુમલામાં ખાર્કિવની બહારની બાજુમાં એક શાળા અને સાંસ્કૃતિક કેન્દ્રને નિશાન બનાવવામાં આવ્યું હતું. તેમણે કહ્યું કે ઘાયલોમાં 10 લોકોની હાલત ગંભીર છે.
આ પોસ્ટની સાથે એક તસવીર પણ છે જે દર્શાવે છે કે હુમલાને કારણે એક ઈમારતના અનેક માળ ધ્વસ્ત થઈ ગયા છે. ઈમારતની બારીઓ તુટી ગઈ હતી અને ઈમરજન્સી કામદારો કાટમાળમાં લોકોને શોધી રહ્યા હતા. તમને જણાવી દઈએ કે ખાર્કિવ યુક્રેનનું બીજું સૌથી મોટું શહેર છે. રશિયાએ તાજેતરના દિવસોમાં અહીં સતત હવાઈ હુમલા કર્યા છે, જેના કારણે ઘણું નુકસાન થયું છે.