શેન વોર્ન : યોગા શિક્ષક છે શેન વોર્નની ભૂતપૂર્વ પત્ની, જાણો કેવી રીતે તેમની લવ સ્ટોરીનો અંત આવ્યો…
શેન વોર્નની ભૂતપૂર્વ પત્નીનું નામ સિમોન કેલાહાન છે, જે એક પ્રમાણિત યોગ શિક્ષક છે. તે સોશિયલ મીડિયા પર ઘણી એક્ટિવ રહે છે. 10 વર્ષ પછી બંનેએ 2005માં છૂટાછેડા લીધા હતા. શેન વોર્ન અને સિમોન કેવી રીતે મળ્યા, આજે તેમની લવ સ્ટોરી, લગ્ન અને છૂટાછેડા વિશે જાણીશું.
વિશ્વના સર્વશ્રેષ્ઠ સ્પિનર કહેવાતા શેન વોર્નનું 52 વર્ષની વયે હાર્ટ એટેકથી નિધન થયું હતું. તેમના મૃત્યુ બાદ ક્રિકેટ ઈન્ડસ્ટ્રીની સાથે દુનિયાભરના લોકો પણ આઘાતમાં છે. અત્યાર સુધી મળેલી માહિતી મુજબ તે પોતાના વિલામાં બેભાન હાલતમાં મળી આવ્યો હતો. જ્યારે તેને હોસ્પિટલમાં લઈ જવામાં આવ્યો ત્યારે તેનું મોત નિપજ્યું હતું. તે નિર્વિવાદ વિશ્વના મહાન ક્રિકેટરોમાંનો એક હતો. સ્પિન બોલિંગની કળામાં નિપુણતા મેળવનાર શેન વોર્ને લગ્નના 10 વર્ષ બાદ તેની પત્નીથી છૂટાછેડા લઈ લીધા હતા.
તેની પત્ની કોણ હતી, તે કેવી રીતે મળ્યા હતા, આજે તમને જણાવીશું
શેન વોર્નની પત્નીનું નામ સિમોન કેલાહાન છે, જે એક પ્રમાણિત યોગ શિક્ષક છે. લગ્નના 10 વર્ષ બાદ બંનેએ છૂટાછેડા લીધા હતા. બંને 1992માં મળ્યા હતા અને પછી 1995માં લગ્ન કરી લીધા હતા. બંનેએ 2005માં પરસ્પર સહમતિથી છૂટાછેડા લીધા હતા.
આવી રીતે થઇ હતી મુલાકાત
મળતી માહિતી મુજબ, 1992માં શેન વોર્નની પૂર્વ પત્ની સિમોન ઓસ્ટ્રેલિયન લેગર ફોસ્ટર માટે પ્રમોશન ગર્લ તરીકે કામ કરતી હતી. તે દરમિયાન તે એક સેલિબ્રિટી ઈવેન્ટમાં શેન વોર્નને મળી હતી. તે સમયે શેન વોર્ન ઓસ્ટ્રેલિયા માટે પ્રથમ ટેસ્ટ ક્રિકેટ મેચ રમવાનો હતો. આ પછી બંને મિત્રો બન્યા અને પછી એકબીજાને ડેટ કરવા લાગ્યા. શેન વોર્ન અને સિમોને આખરે 1995 માં લગ્ન કર્યા અને બે વર્ષ પછી તેમને પ્રથમ સંતાન થયું. રિપોર્ટ અનુસાર સિમોનની ઉંમર પણ 52 વર્ષની છે અને તે ઓસ્ટ્રેલિયામાં રહે છે.
સોશિયલ મીડિયા પર સક્રિય છે
શેન વોર્નની પૂર્વ પત્ની સિમોન કાલાહાન સોશિયલ મીડિયા પર ખૂબ જ એક્ટિવ છે અને તે હંમેશા તેના યોગા મૂવ્સના વીડિયો સોશિયલ મીડિયા પર શેર કરતી રહે છે. ઘણા લોકો તેને ઈન્સ્ટાગ્રામ પર પણ ફોલો કરે છે અને તેની પાસેથી યોગ પણ શીખે છે.
બાળકોના કારણે જોડાયેલા રહ્યા
શેન વોર્ન અને સિમોન કાલાહાને 2005 માં છૂટાછેડા લીધા હતા, પરંતુ બાળકોના કારણે તેઓ હંમેશા સંપર્કમાં રહ્યા હતા. આ પછી બંને 2009માં ફરી એકબીજાની નજીક આવ્યા, પરંતુ બંનેએ ફરીથી છૂટાછેડા લઈ લીધા. સિમોને ધ સનને કહ્યું કે શેને તેની સાથે છેતરપિંડી કરી હતી, તેથી તેણે સંબંધ આગળ ધપાવ્યો ન હતો.
શેન વોર્ન અને સિમોન કાલાહાનને 3 બાળકો હતા. તેમના મોટા પુત્રનું નામ બ્રુક છે, જે 24 વર્ષનો છે. બંનેને એક પુત્રી, સમર, જે 20 વર્ષની છે અને એક નાનો પુત્ર છે, જે 22 વર્ષનો છે અને તેનું નામ જેક્સન છે.
