બૉલીવુડમાંથી એક ચોંકાવનારા સમાચાર સામે આવી રહ્યા છે. બૉલીવુડના પ્રખ્યાત ગાયિકા લત્તા મંગેશકર કોરોના પોઝિટિવ આવ્યા છે. 92 વર્ષીય લત્તા મંગેશકર કોરોના સંક્રમિત થયા છે અને તેમને હાલ મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા છે. લત્તા મંગેશકરની ઉંમરને ધ્યાનમાં રાખીને હાલમાં હોસ્પિટલમાં સારવાર હેઠળ રાખવામાં આવ્યાં છે.
લત્તા મંગેશકરની ભત્રીજી રચનાએ તેઓ કોરોના પોઝિટિવ હોવાની વાતની પુષ્ટિ કરી છે. લત્તા દીદીના ચાહકો માટે સારા સમાચાર એ છે કે તેમને હળવા લક્ષણો છે. તેમને ICU માં ભરતી કરવામાં આવ્યા છે. લત્તા મંગેશકરના કોરોના પોઝિટિવ આવવાની સાથે જ બૉલીવુડમાં હડકંપ મચી જવા પામ્યો છે. બૉલીવુડના કલાકારો સહિત તેમના ચાહકો પણ તેઓ જલ્દી સ્વસ્થ થાય તેવી પ્રાર્થના કરી રહ્યા છે.