ધર્મસંસદમાં કરવામાં આવેલા નિવેદનો ‘હિંદુઓના શબ્દો’ નથી : હરિદ્રારની હેટસ્પીચ પર બોલ્યા RSS ચીફ
રાષ્ટ્રીય સ્વયંસેવક પ્રમુખ મોહન ભાગવતે રવિવારે કહ્યું હતું કે 'ધર્મ સંસદ' નામના તાજેતરના કાર્યક્રમમાં આપેલા કેટલાક નિવેદનો "હિંદુઓના શબ્દો" નથી અને હિન્દુત્વને અનુસરતા લોકો તેમની સાથે ક્યારેય સહમત થશે નહીં. તેઓ લોકમતની નાગપુર આવૃત્તિની સુવર્ણ જયંતિ નિમિત્તે એક ખાનગી કાર્યક્રમની વ્યાખ્યાન શ્રેણીમાં 'હિંદુત્વ અને રાષ્ટ્રીય એકતા' વિષય પર બોલી રહ્યા હતા. તેમણે કહ્યું કે ધર્મ સંસદમાં જે નિવેદનો કરવામાં આવ્યા છે તે હિંદુઓના શબ્દો નથી. ભાગવતે કહ્યું કે જો હું ક્યારેય ગુસ્સામાં કંઈક કહું તો તે હિન્દુત્વ નથી. સંઘના વડાએ કહ્યું, "વીર સાવરકરે પણ કહ્યું હતું કે જો હિંદુ સમુદાય સંગઠિત અને એક થઈ જશે, તો તેઓ ભગવદ ગીતા વિશે બોલશે અને કોઈને નષ્ટ કરવા અથવા નુકસાન પહોંચાડવા વિશે નહીં." 'હિંદુ રાષ્ટ્ર' બનવાના માર્ગ પર ચાલી રહેલા દેશ વિશે ભાગવતે કહ્યું, "તે હિન્દુ રાષ્ટ્ર બનાવવાની વાત નથી. તમે માનો કે ના માનો, તે હિંદુ રાષ્ટ્ર છે. "અમે આ હિન્દુત્વને અનુસરીએ છીએ," તેમણે કહ્યું.
×
