ભાજપ રાષ્ટ્રીય અધ્યક્ષ જેપી નડ્ડાનું ટ્વિટર હેન્ડલ હેક, રશિયા માટે ક્રિપ્ટોકરન્સીમાં દાન માટે ટ્વિટ કર્યું
ભારતીય જનતા પાર્ટીના રાષ્ટ્રીય અધ્યક્ષ જેપી નડ્ડાનું ટ્વિટર એકાઉન્ટ હેક થઇ ગયું છે. તેનું એકાઉન્ટ હેક કર્યા બાદ હેકરે સોરી પણ લખ્યું છે. આ માહિતી પછી તેના ટ્વિટર હેન્ડલ પરથી પોસ્ટ કરવામાં આવી – “માફ કરશો મારું એકાઉન્ટ હેક થઈ ગયું છે. અહીં રશિયાને દાન આપવા માટે કારણ કે તેમને મદદની જરૂર છે.” હેકર્સે પાછળથી પ્રોફાઇલનું નામ બદલીને ICG OWNS INDIA કર્યું. જોકે, હવે આ ટ્વીટ ડિલીટ કરી દેવામાં આવી છે.
હાલમાં તેનું એકાઉન્ટ રિકવર કરવામાં આવ્યું છે. હવે તેમના ટ્વિટર હેન્ડલ પર છેલ્લી ટ્વિટ 2 કલાક પહેલાની છે, જેમાં તેઓ ઉત્તર પ્રદેશના લોકોને 5માં તબક્કામાં મતદાન કરવા માટે અપીલ કરી રહ્યા છે. જેમાં તેઓ લખે છે કે આજે ઉત્તર પ્રદેશ વિધાનસભાની ચૂંટણીના પાંચમા તબક્કાની તમામ 61 બેઠકોના મતદારોને મારી અપીલ છે કે તેઓ તેમના મતાધિકારનો ઉપયોગ કરે અને રાજ્યમાં મજબૂત સરકાર બનાવવા માટે તેમની ભૂમિકા ભજવે. પ્રથમ વખત મતદાન કરી રહેલા મતદારોને લોકશાહીને મજબૂત કરવા આગળ આવવા વિનંતી કરવામાં આવી છે.
જેપી નડ્ડાનું ટ્વિટર એકાઉન્ટ હેક કર્યા બાદ રશિયા અને યુક્રેનની મદદ માટે ક્રિપ્ટોકરન્સીમાં દાનની અપીલ પણ કરવામાં આવી હતી. આ પહેલા અન્ય એક ટ્વિટમાં લખ્યું હતું કે, રશિયાના લોકો સાથે ઉભા રહો. હવે ક્રિપ્ટોકરન્સી બિટકોઈન અને ઈથેરિયમમાંથી મદદ સ્વીકારવામાં આવશે. આ એકાઉન્ટ પરથી યુક્રેનની મદદ પણ ટ્વીટ કરવામાં આવી હતી. જો કે, આ તમામ ટ્વીટ રિકવરી બાદ ડિલીટ કરી દેવામાં આવી હતી.
