લાફ્ટર કવીન ભારતી સિંહ માતા બની ગઈ છે. કોમેડિયને પુત્રને જન્મ આપ્યો છે. ભારતી સિંહે સોશિયલ મીડિયા પર એક ખાસ પોસ્ટ દ્વારા ફેન્સ સાથે આ ખુશખબર શેર કરી છે. ભારતી અને હર્ષે એક જ પોસ્ટ શેર કરી અને લખ્યું, ‘It’s a BOY’. સ્ટાર કપલે પ્રેગ્નન્સી ફોટોશૂટની એક સુંદર તસવીર શેર કરી છે. ફોટોમાં ભારતી અને હર્ષ ખૂબ જ સુંદર અંદાજમાં એકબીજા સાથે જોવા મળી રહ્યા છે.

ભારતી તેની ગર્ભાવસ્થા દરમિયાન તેના વર્કફ્રન્ટમાં સક્રિય રહી છે. ભારતીએ ડિલિવરીના છેલ્લા દિવસ સુધી શૂટિંગ કર્યું છે. દરરોજ પાપારાઝી શૂટિંગના સેટ પર ભારતીને જોતા હતા અને ભારતીના તમામ રસપ્રદ વીડિયો સોશિયલ મીડિયા પર વાયરલ થતા હતા.

ભારતીએ પ્રેગ્નેન્સી દરમિયાન મીડિયા સાથે વાત કરતા કહ્યું હતું કે તે એક સુંદર દીકરીને જન્મ આપવા માંગે છે. આવી સ્થિતિમાં ભારતીની આ ઈચ્છા અધૂરી રહી ગઈ છે. રિપોર્ટરે તેમને પૂછ્યું કે તમારે દીકરો જોઈએ છે કે દીકરી. આ સવાલના જવાબમાં ભારતી સિંહે બેફિકરાઈથી જવાબ આપ્યો અને કહ્યું, “છોકરી. મારે એક છોકરી જોઈએ છે. મારા જેવી મહેનતુ. તમારા જેવી નથી કે જે કોઈ છોકરીને રોકીને ઈન્ટરવ્યુ લે છે.”

ભારતીએ આજે ​​એક પુત્રને જન્મ આપ્યો છે અને ગઈકાલે એટલે કે શનિવારે તે શૂટિંગ સેટ પર જોવા મળી હતી. આ દરમિયાન ભારતી હેવી બેબી બમ્પમાં જોવા મળી હતી અને તેનો પતિ હર્ષ તેને સપોર્ટ કરતો જોવા મળ્યો હતો. દરેક વ્યક્તિ ભારતીની આ ભાવનાને સલામ કરી રહી છે અને તેને ટ્રેન્ડસેટર ગણાવી રહી છે.

ભારતી અને હર્ષની સાથે તેમના ચાહકો પણ તેમના પ્રથમ બાળકની આતુરતાથી રાહ જોઈ રહ્યા હતા. આવી સ્થિતિમાં, ભારતીએ આ ખુશખબર ફેન્સ સાથે શેર કરતાની સાથે જ તેની પોસ્ટ થોડી જ મિનિટોમાં વાયરલ થઈ ગઈ છે અને તમામ સેલેબ્સ સાથે નેટીઝન્સ તેને અભિનંદન અને શુભેચ્છા પાઠવી રહ્યા છે. ચાહકો પણ પુત્રના નામ અને પ્રથમ તસ્વીરની માંગ કરી રહ્યા છે.