ગલવાનમાં અથડામણ દરમિયાન 38 ચીની સૈનિકો બર્ફીલી નદીમાં તણાઈ ગયામ બતાવ્યા માત્ર ચાર : રિપોર્ટ
જૂન 2020 માં, પૂર્વ લદ્દાખની ગલવાન ખીણમાં ચીન અને ભારતની સેનાઓ વચ્ચે હિંસક અથડામણ થઇ હતી. આ હિંસક અથડામણના લગભગ દોઢ વર્ષ પછી એક તપાસ અહેવાલમાં દાવો કરવામાં આવ્યો છે કે ગલવાન ખીણમાં હિંસક અથડામણમાં ચીનને “મોટા” નુકસાન થયા છે.
આ અહેવાલ ઓસ્ટ્રેલિયન અખબાર ધ ક્લેક્સનમાં પ્રકાશિત થયો છે. એન્થોની ક્લાન સ્પેશિયલ રિપોર્ટમાં ખુલાસો થયો છે કે ખીણમાં ગાલવાન નદી પાર કરતી વખતે કેટલાય ચીની સૈનિકો તણાઈ ગયા હતા અને ડૂબી ગયા હતા. તેમની સંખ્યા ચીન દ્વારા જાહેર કરવામાં આવેલા આંકડા કરતા ઘણી વધારે હતી.
રિપોર્ટમાં કહેવામાં આવ્યું છે કે ગલવાનમાં બે અલગ-અલગ અથડામણના તથ્યો અને તસવીરોને તથ્યોને પ્રભાવિત કરવા માટે મિશ્રિત કરવામાં આવ્યા હતા. રિપોર્ટમાં વધુમાં કહેવામાં આવ્યું છે કે ચીને ગલવાન સંઘર્ષમાં માર્યા ગયેલા સૈનિકો જાહેર કર્યા નથી પરંતુ યુદ્ધમાં માર્યા ગયેલા તેના સૈનિકો માટે મરણોત્તર મેડલની જાહેરાત કરી છે. ક્લેક્સને આની તપાસ કરવા માટે સ્વતંત્ર રીતે સોશિયલ મીડિયા સંશોધકોની એક ટીમ બનાવી હતી.
સંશોધકોએ શોધી કાઢ્યું હતું કે બેઇજિંગ દ્વારા જે ચાર સૈનિકોની જાણ કરવામાં આવી હતી તેના કરતાં ચીની સૈન્યના મૃત્યુની સંખ્યા ઘણી વધારે છે. સોશિયલ મીડિયાના સંશોધકોએ ‘ગલવાન ડીકોડેડ’ નામનો રિપોર્ટ જાહેર કર્યો છે. એવો દાવો કરવામાં આવ્યો છે કે 15-16 જૂનના રોજ લડાઈના પ્રારંભિક તબક્કા દરમિયાન શૂન્ય તાપમાનમાં ઝડપથી વહેતી ગલવાન નદીમાં તરવાનો પ્રયાસ કરતી વખતે ઘણા ચીની સૈનિકો માર્યા ગયા હતા.
રિપોર્ટમાં માર્યા ગયેલા ચીની સૈનિકોની સંખ્યા 38 છે. સંશોધકોના અહેવાલમાં, ચીની સોશિયલ મીડિયા પ્લેટફોર્મ વેઇબોના કેટલાક વપરાશકર્તાઓને ટાંકીને દાવો કરવામાં આવ્યો છે કે તે રાત્રે ઓછામાં ઓછા 38 PLA સૈનિકો નદીના પ્રવાહમાં ધોવાઈ ગયા હતા. તેમની વચ્ચે વાંગ નામનો સૈનિક હતો અને માત્ર ચીને જ વાંગના મૃત્યુની સત્તાવાર જાહેરાત કરી હતી. અહેવાલમાં દાવો કરવામાં આવ્યો છે કે 15 જૂને એક અસ્થાયી પુલના નિર્માણને લઈને લડાઈ શરૂ થઈ હતી.
ભારતીય સૈનિકોએ મે 2022 માં ગલવાન નદીના પ્રવાહ પર પુલ બનાવ્યો. બીજી તરફ પીએલએ એપ્રિલથી પરસ્પર નક્કી કરેલા બફર ઝોનમાં ઈન્ફ્રાસ્ટ્રક્ચરનું નિર્માણ કરી રહ્યું હતું. 6 જૂને PLAના 80 સૈનિકો ભારતીય પક્ષે બનાવેલા પુલને તોડવા આવ્યા હતા. તેની સુરક્ષા માટે 100 ભારતીય સૈનિકો આગળ આવ્યા.
