અમેરિકામાં ડોક્ટરોની ટીમે એક ચમત્કાર કર્યો છે. આ ટીમે 57 વર્ષના માણસમાં જીનેટિકલી-મોડીફાઈડ ડુક્કરનું હૃદય સફળતાપૂર્વક ટ્રાન્સપ્લાન્ટ કર્યું છે. મેડિકલ ઈતિહાસમાં આ પ્રથમ વખત બન્યું છે અને એવું માનવામાં આવે છે કે આનાથી અંગદાનની અછતને પહોંચી વળવામાં મદદ મળશે.

આ પહેલા ઘણા જટિલ તબીબી કેસોમાં, દર્દીને ડુક્કરના અંગો લગાવવામાં આવ્યા છે. લાંબા સમયથી એવું માનવામાં આવે છે કે ડુક્કરના ભાગોને માનવ શરીર માટે યોગ્ય બનાવવા માટે આનુવંશિક રીતે સંશોધિત કરી શકાય છે. આ આર્ટીકલમાં અમે તમને મેડિકલ સાયન્સના એવા જ કેટલાક ચમત્કારો વિશે જણાવવા જઈ રહ્યા છીએ, જેમાં ડુક્કરના અંગો દર્દી પર લગાવવામાં આવ્યા હતા.

ડુક્કરના આંતરડાની મદદથી તૈયાર કરવામાં આવી કૃત્રિમ યોનિ

આ કેસ છે ચેક રિપબ્લિકનો. પ્રાઈવેટ પાર્ટની ગંભીર સમસ્યાથી પીડિત મહિલાની ડોક્ટરોએ અનોખી રીતે સારવાર કરી. આ મહિલાની યોનિમાર્ગ એટલી સાંકડી હતી કે, સંભોગ તો દૂર, ડોક્ટર્સ તેનું ચેકઅપ પણ કરી શકતા ન હતા. આવી સ્થિતિમાં ડુક્કરના આંતરડાની મદદથી સર્જરી દ્વારા આ મહિલાના પ્રાઈવેટ પાર્ટને નવેસરથી તૈયાર કરવામાં આવ્યો હતો.

અંગ્રેજી અખબાર ડેઈલી મેઈલ અનુસાર, ચેક રિપબ્લિકની આ મહિલા તેના ગાયનેકોલોજિસ્ટ પાસે ચેકઅપ માટે ગઈ હતી. ડૉક્ટરને જાણવા મળ્યું કે મહિલાનો પ્રાઈવેટ પાર્ટ એટલો ચુસ્ત છે કે તેની તપાસ પણ કરી શકાતી નથી. આવી સ્થિતિમાં, તેઓએ તેને પશ્ચિમી ચેક રિપબ્લિકના પ્લઝેન શહેરમાં આવેલી યુનિવર્સિટી હોસ્પિટલમાં સારવાર માટે મોકલી હતી.

અહીં તપાસ કર્યા પછી, ડૉક્ટરોને જાણવા મળ્યું કે મહિલા સ્ક્લેરોડર્માથી પીડિત હતી, જેમાં ત્વચા સખત અને સંકોચાઈ જાય છે. આવી સ્થિતિમાં, ડૉક્ટરોએ ‘મેશ ઓગમેન્ટેડ વેજાઇનલ રિકન્સ્ટ્રક્શન ટેકનિક’નો ઉપયોગ કરવાનું નક્કી કર્યું. આ પ્રક્રિયામાં, અસરગ્રસ્ત વિસ્તાર પર તાજી પેશી લાગુ કરવામાં આવે છે. આમાં, માનવ ત્વચા અથવા ડુક્કરના આંતરડાનો ઉપયોગ કરવામાં આવે છે, કારણ કે ડુક્કરની પેશી નરમ હોય છે અને તેમની રચના પણ માનવ પેશીઓ જેવી હોય છે.

ચીનમાં બર્ન કેસ સર્જરીમાં ડુક્કરના ચામડાનો ઉપયોગ થાય છે

ચીનમાં વૈજ્ઞાનિકોએ ડુક્કર અને માનવીના જનીનોને જોડીને એક નવી પ્રકારની ત્વચા (માનવ અને ડુક્કર જનીન હાઇબ્રિડ) વિકસાવી છે, જે મનુષ્યો પર લાગુ કરી શકાય છે. દાઝી ગયેલા અને એસિડ એટેકનો ભોગ બનેલા લોકોની સારવાર માટે વૈજ્ઞાનિકોની આ શોધને માઈલસ્ટોન માનવામાં આવી રહી છે. મ્યુટન્ટ ‘ત્વચા’ એ તે દિશામાં બીજું પગલું છે, જેમાં ડુક્કરને માનવમાં ટ્રાન્સપ્લાન્ટ કરી શકાય તેવા અંગો સાથે તૈયાર કરવામાં આવી રહ્યા છે.

લિંચિંગ જોની આગેવાની હેઠળ નાનચાંગ યુનિવર્સિટી સાથે જોડાયેલી હોસ્પિટલમાં ચીની સંશોધકોની ટીમ દ્વારા કૃત્રિમ ‘ત્વચા’ વિકસાવવામાં આવી છે. ચામડીનું સૌપ્રથમ મકાક વાંદરાઓ પર પરીક્ષણ કરવામાં આવ્યું હતું અને પરિણામો દર્શાવે છે કે તે વાંદરાની મૂળ ત્વચા પર 25 દિવસ સુધી રહી શકે છે.

ડુક્કરની કિડનીથી મહિલાને જીવન મળ્યું

અમેરિકામાં વૈજ્ઞાનિકોને ઝેનોટ્રાન્સપ્લાન્ટેશન અંગે મોટી સફળતા મળી છે. એક પ્રયોગ તરીકે, વૈજ્ઞાનિકોએ ડુક્કરની કિડની મહિલામાં ટ્રાન્સપ્લાન્ટ કરી. આ પ્રત્યારોપણ સફળ થયું એટલું જ નહીં, પરંતુ કિડનીએ પણ તેનું કામ બરાબર કર્યું.

NYU (ન્યુ યોર્ક યુનિવર્સિટી), ન્યૂયોર્ક ખાતે લેંગોન હેલ્થના ડોકટરોએ એક ડુક્કરની કિડની એક મહિલામાં ટ્રાન્સપ્લાન્ટ કરી છે. આ કિડની મહિલાના શરીરના કોષો સાથે 3 દિવસ સુધી બહારથી જોડાયેલી હતી. આ દરમિયાન, કિડનીએ તેનું સામાન્ય કાર્ય કર્યું.

પ્રત્યારોપણ ટીમનું નેતૃત્વ કરી રહેલા ડોક્ટર રોબર્ટ મોન્ટગોમેરીએ કહ્યું છે કે ડુક્કરની કિડની સામાન્ય માનવ કિડનીની જેમ કામ કરે છે. જે મહિલાની કિડની ટ્રાન્સપ્લાન્ટ કરવામાં આવી હતી તે બ્રેઈન ડેડ મહિલા છે. મહિલાની કિડની યોગ્ય રીતે કામ કરી રહી ન હતી, જેના કારણે તેને લાઈફ સપોર્ટ પર રાખવામાં આવી હતી. હાલમાં, આ એક પ્રયોગ તરીકે કરવામાં આવ્યું છે અને મહિલાના પરિવારની સંમતિ લેવામાં આવી છે.

જેનેટિકલી મોડીફાઇડ કેમ?

વાસ્તવમાં, ડુક્કરના જનીનોમાં ગ્લાયકોન નામનો શુગર મોલેક્યુલ હોય છે, જે મનુષ્યોમાં હોતું નથી. આપણું શરીર આ શુગર મોલેક્યુલને ફોરેન એલિમેન્ટની જેમ ટ્રીટ કરે છે અને તેને નકારી કાઢે છે. આ કારણે આ પહેલા જ્યારે પણ કિડની ટ્રાન્સપ્લાન્ટનો પ્રયાસ કરવામાં આવ્યો ત્યારે તે નિષ્ફળ ગયો. આ સમસ્યાનો સામનો કરવા માટે, વૈજ્ઞાનિકોએ ડુક્કરના જનીનોમાં ફેરફાર કરીને આ શુગર મોલેક્યુલને પહેલાથી જ દૂર કરી દીધા હતા. આ સાથે જિનેટિક એન્જિનિયરિંગ દ્વારા ભૂંડના જીન્સમાં ફેરફાર કરીને કિડની ટ્રાન્સપ્લાન્ટ કરવામાં આવી હતી.

આ કોશિશો પણ થઇ નિષ્ફળ?

ઝેનોટ્રાન્સપ્લાન્ટેશન અંગે વર્ષોથી પ્રયાસો થઈ રહ્યા છે. વિજ્ઞાનીઓ લંગુર અને વાંદરાના અંગોને માનવ શરીરમાં ટ્રાન્સપ્લાન્ટ કરવાનો પ્રયાસ કરી ચૂક્યા છે. લોહીના ગંઠાવાથી લઈને શરીરની રોગપ્રતિકારક શક્તિ સુધી, પ્રત્યારોપણ સફળ થઈ શક્યું નથી.

• જૂન 1992 માં, પ્રથમ વખત, લંગુરનું લીવર માનવ શરીરમાં ટ્રાન્સપ્લાન્ટ કરવામાં આવ્યું હતું. ટ્રાન્સપ્લાન્ટના 21 દિવસ બાદ જ દર્દીના શરીરમાં ચેપ ફેલાઈ ગયો હતો. આ ચેપ ધીમે ધીમે વધતો ગયો અને 70 દિવસ પછી દર્દીનું બ્રેઈન હેમરેજથી મૃત્યુ થયું.
• જાન્યુઆરી 1993 માં, લંગુરનું લીવર 62 વર્ષના એક વ્યક્તિમાં ટ્રાન્સપ્લાન્ટ કરવામાં આવ્યું હતું, પરંતુ તેનું પણ 26 દિવસ પછી મૃત્યુ થયું હતું.
• 1920 થી 1990 ના દાયકા સુધી, વિશ્વભરમાં આ ક્ષેત્રમાં ઘણું કામ થયું. સસલા, વાંદરાઓથી માંડીને લંગુર સુધીના અંગો મનુષ્યમાં ટ્રાન્સપ્લાન્ટ કરવામાં આવ્યા હતા. 1990 પછી, વૈજ્ઞાનિકોએ ડુક્કરને ઝેનોટ્રાન્સપ્લાન્ટેશન માટે સૌથી યોગ્ય ગણ્યા