PM મોદીના કાફલામાં 12 કરોડની Mercedes-Maybach S650 Guard નો સમાવેશ, જાણો ફીચર્સ
વડાપ્રધાન નરેન્દ્ર મોદીના કાફલામાં નવી મર્સિડીઝ કારનો સમાવેશ કરવામાં આવ્યો છે. એક અહેવાલ મુજબ તેમની પાસે તેમના કાફલાના ભાગ રૂપે મર્સિડીઝ-મેબેક S650 ગાર્ડ બુલેટપ્રૂફ સહિત અનેક સુવિધાઓથી સજ્જ કારનો સમાવેશ થયો છે. જેને રેન્જ રોવર વોગ અને ટોયોટા લેન્ડ ક્રુઝરથી પણ વધારે અપગ્રેડ કરવામાં આવી છે. રિપોર્ટ અનુસાર, પીએમ મોદી તાજેતરમાં હૈદરાબાદ હાઉસમાં નવી મેબેક 650 આર્મર્ડમાં પહેલીવાર જોવા મળ્યા હતા જ્યાં તેઓ ભારતની મુલાકાતે આવેલા રશિયન રાષ્ટ્રપતિ વ્લાદિમીર પુતિનને મળ્યા હતા.
આ વાહન તાજેતરમાં ફરી વડાપ્રધાનના કાફલામાં જોવા મળી હતી. આ કાર ઘણી શાનદાર અને અદ્યતન સુવિધાઓથી સજ્જ છે. પરંતુ જે બાબત તેને સૌથી વિશેષ બનાવે છે તે એ છે કે તે ગોળીઓ અને બોમ્બ વિસ્ફોટોથી પ્રભાવિત થતી નથી. અહીં અમે તમને પીએમ મોદીની આ નવી કારના ફીચર્સ વિશે જણાવી રહ્યા છીએ.
શું છે કિંમત?
Mercedes-Maybach S650 Guard એ VR10 સ્તરની સુરક્ષા સાથે નવીનતમ ફેસલિફ્ટેડ મોડલ છે. આ સેફ્ટી ફીચર પ્રોડક્શન કારમાં ઓફર કરવામાં આવેલી સૌથી વધુ છે. અહેવાલો અનુસાર મર્સિડીઝ-મેબેકે ગત વર્ષે ભારતમાં S600 ગાર્ડને રૂ. 10.5 કરોડમાં લોન્ચ કરી હતી અને S-650ની કિંમત રૂ. 12 કરોડથી વધુ હોઈ શકે છે.
નવી કાર કોણ ખરીદે છે?
દેશના રાજ્યના વડાની સુરક્ષા માટે જવાબદાર સ્પેશિયલ પ્રોટેક્શન ગ્રૂપ અથવા SPG સામાન્ય રીતે નવી કાર માટે વિનંતી કરે છે. SPG સુરક્ષા જરૂરિયાતોને ઓળખે છે અને નક્કી કરે છે કે તેઓ જે વ્યક્તિનું રક્ષણ કરી રહ્યાં છે તેને નવા વાહનની જરૂર છે કે કેમ. ડીકોયનો ઉપયોગ થતો હોવાથી એસપીજી વાહનના સમાન મોડેલની માંગ કરે છે.
Mercedes-Maybach S650 ગાર્ડ એન્જિન અને પાવર
Mercedes-Maybach S650 ગાર્ડ 6.0-લિટર ટ્વીન-ટર્બો V12 એન્જિન દ્વારા સંચાલિત છે. આ એન્જિન 516 bhpનો પાવર અને 900 Nmનો ટોર્ક જનરેટ કરે છે. કારની ટોપ સ્પીડ 160 kmph છે.
ફૂટ મસાજર
કારની અંદર મસાજ સીટ ઉપલબ્ધ છે. જેના કારણે પ્રવાસ દરમિયાન મુસાફરોનો થાક દૂર થઈ શકે છે. પેસેન્જરની જરૂરિયાત મુજબ લેગરૂમ વધારી શકાય છે. કારની પાછળની સીટોમાં પણ ઘણા ફેરફાર કરવામાં આવ્યા છે.
જબરજસ્ત સુરક્ષા ફીચરથી સજ્જ છે નવી કાર !
- આ કારને એક્સપ્લોઝિવ રેઝિસ્ટન્ટ વ્હીકલ (ERV) 2010 રેટિંગ મળ્યું છે. તેમાં બેઠેલા મુસાફરો 15 કિલો સુધીના TNT બ્લાસ્ટથી પણ સુરક્ષિત રહેશે જે માત્ર 2 મીટરના અંતરે થઈ શકતા બ્લાસ્ટથી પણ બચાવી શકે છે .
- કારને ઉચ્ચ સ્તરની સુરક્ષા મળેલી છે. કારની બારીના કાચ અને બોડી શેલ એટલા મજબૂત છે કે એકે-47 જેવી રાઈફલની ગોળીઓ પણ બિનઅસરકારક બની શકે છે.
- કારની બારીઓ પોલીકાર્બોનેટથી કોટેડ છે. આ સુરક્ષાનું બીજું સ્તર પૂરું પાડે છે. ગેસ હુમલાની સ્થિતિમાં કેબિન એર અલગથી સપ્લાય કરી શકાય છે.
Mercedes-Maybach S650 ગાર્ડને ખાસ રન-ફ્લેટ ટાયર મળે છે. જેના કારણે એટેક પછી ટાયરને નુકસાન થવાની સ્થિતિમાં પણ તે સ્પીડ પકડી શકે છે. - કારની ફ્યુઅલ ટાંકીને ખાસ એલિમેન્ટથી કોટ કરવામાં આવી છે. જે બુલેટને કારણે થયેલા છિદ્રને આપોઆપ સીલ કરી દે છે. તે બોઇંગ એએચ-64, અપાચે ટેન્ક એટેક હેલિકોપ્ટરમાં ઉપયોગમાં લેવાતી સમાન સામગ્રીથી બનેલું છે.
મુખ્યમંત્રી હતા ત્યારે આ કારમાં કરતાં હતાં સફર
જ્યારે પીએમ નરેન્દ્ર મોદી ગુજરાતના મુખ્યમંત્રી હતા ત્યારે તેઓ બુલેટપ્રૂફ મહિન્દ્રા સ્કોર્પિયો એસયુવીમાં મુસાફરી કરતા હતા. વર્ષ 2014માં વડાપ્રધાન બન્યા પછી, તેમણે BMW 7 સિરીઝ હાઈ-સિક્યોરિટી એડિશન (BMW 7 સિરીઝ હાઈ-સિક્યોરિટી એડિશન)નો ઉપયોગ કરવાનું શરૂ કર્યું. જે બાદ તેમની સુરક્ષાને ધ્યાનમાં રાખીને તેમની કારને સમયાંતરે અપગ્રેડ કરવામાં આવી છે.
